
Мейрамбек Беспаевтың бағын жандырған ұстазы Несіпкүл Алтыбаева KursivMedia-ға жұлдыз шәкіртіне назы бар екенін айтты.
Биыл 80 жылдық мерейтойын тойлағалы отырған ұстаз қазіргі Абай атындағы Қазақ ұлттық педагогикалық университетінің филология факультетін бітірген. Тараз қаласында 40 жыл шәкірт тәрбиелеген. Соның бірі – танымал МузАрт тобының әншісі. Ол Мейрамбек Беспаевтың қалай бағын жандырғанын баяндап берді.

Өнер қайраткерлерімен кездесулер
Несіпкүл Алтыбаева Тараз қаласындағы №37 Ыбырайым Сүлейменов атындағы мектепте ұзақ жыл қызмет етті.
«Мен ұдайы оқушыларымды өнер қайраткерлерімен, ақын-жазушыларымен таныстырып, кездесу өткізіп жүрдім. Ондағы мақсатым – шәкірттерімнің тұлғалардан өнеге алуы. Ұстаз болған соң, балаларды болашағына жол ашуым керек. Атақты жазушылардың, өнер қайраткерлерінің шығармашылығымен, өздерімен таныстыруды міндет етіп санадым. Мектепте әдебиет пен өнерді ұштастырып отырдым», – дейді ұстаз.
Сол кезде Мейрамбек Беспаевтың бағын жандырған мектепке талай өнер қайраткерлері келген. Соның ішінде, Досхан Жолжақсынов та бар. Қазақ тілі мен әдебиеті пәнінің мұғалімі актриса Лидия Кәденованың, актер әрі режиссер Райымбек Сейітметовтің шәкірттерімен кездесуін ұйымдастырған. Осылайша, ол оқушыларын өнерге баулуға ұмтылған.

Мейрамбек Беспаев пен Алтынбек Қоразбаев қалай кездесті?
Жақсыбек Сәтібековтің 50 жылдық мерейтойына орай мектепте өткен кешке Алтынбек Қоразбаев және журналист Көсемәлі Сәттібай келген. Кездесуінің алдында Несіпкүл Алтыбаева танымал қонақтардың алдында бесінші сынып оқушысы Мейрамбек Беспаевке домбырамен ән айтып беруді өтінеді. Бала Мейрамбек өнердегі болашақ ұстазы Алтынбек Қоразбаевтың алдында алғаш рет «Туған жер» әнін орындап беріпті. Сол сәтте Мейрамбек Беспаевтың бағын жандырған орындау шынайы бағаланғаны анық.
Мейрамбек Беспаев сол сәтте Алтынбек Қоразбаевтың көзіне түскен.

«Ұйықтап жатқан жерінен оятып, Алтынбектің алдына апардым»
Бір апта өткен соң, Алтынбек Қоразбаев мектеп директорына қоңырау шалып, Мейрамбекті шақыртыпты. Несіпкүл Алтыбаева сабағын тастап, үйінде ұйықтап жатқан оқушы Мейрамбекті оятып алып, қолынан жетектеп, композитордың алдына алып келеді. Ол кезде Алтынбек Қоразбаев Тараздағы облыстық филармония директоры еді. Сол күннен бастап танымал композитор Мейрамбек Беспаевты шәкірт етіп алған. Бұл Мейрамбек Беспаевтың бағын жандырған сәт еді.
«Мен баланың бағын ашуға септігім тиді. Бүгінде Мейрамбек Беспаев эстрада жұлдызы болып отыр. Бұл – менің еңбегімнің бір нәтижесі. Жұлдыз болуына жол аштым деп ойлаймын», – дейді ұстаз.

Бала Мейрамбек қандай болған?
Алтыбаеваның айтуынша, Мейрамбек Беспаев бала күнінде байсалды, салмақты, ойлы бала болған.
«Сабағын жақсы оқыды. Үнемі ой үстінде жүретін. Бала болып, ұшқалақтық жасаған емес. Мінезі салмақты, жуас еді», – дейді мұғалім.
Несіпкүл Алтыбаева Мейрамбек Беспаевқа қалтасынан қалам мен қағаз түспеуін өтінген. Блокноттарға үлкен кісілердің ұлағатты сөздерін жазып жүруге кеңес беріпті.
«Бұл өзіңе керек. Ел алдында әдемі сөйлеп үйренуіңе себеп болады», – деп болашаққа бағыт-бағдар берген.

Ұстазы неге өкпелі?
Былтыр «Хабар» арнасындағы «Алғашқы» бағдарламасының кезекті кейіпкері Мейрамбек Беспаев болды. Ол жерде Алтынбек Сәрсенбаевтың алдына алып келген мұғалім туралы да көрсетілген. Бірақ журналистер Мейрамбек Беспаевтың бағын жандырған ұстаздың үйіне келіп, түсірілім жасапты.
«Мейрамбек Баспаев журналист Аман Тасығанға: «Апайдың аяғы ауырады», – деп бағдарламаға шақыртқызбапты. «Үйге бір келмейді-ау» деп өкпелеген кезім де бар. Оқушы баламды көзіммен көріп, дидарласып, құшақтап бетінен сүйсем деген едім. Концерті болған кезде, шақырып, келіңіз десе, жетеді емес пе?» ,– деп назын айтты Несіпкүл Алтыбаева.
Бұған қарамастан, Несіпкүл Алтыбаева Мейрамбек шәкіртін мақтан тұтады. Мейрамбек Беспаевтың бір концертінде кездескен кезде: «Бүкіл Қазақстанға еңбегімді көрсеттің!» – деп шәкіртіне ризашылығын білдірген.
Мұның алдында Мейрамбек Беспаевтың бала күнінде орындаған «Бозторғай» әні 36 жылдан соң халықпен қайта қауышқаны туралы жазған едік.