Алматы әкімдігі көшедегі заңсыз сауда нүктелерін бұзып жатыр
Жарияланды
Алматы қаласы әкімдігі заңсыз сауда нүктелерін жабуды көздейтін науқан жүргізіп жатыр. Қазірдің өзінде 341 сауда нысаны көшеден алып тасталынды.
Бұл туралы Алматы қалалық әкімдігінің баспасөз қызметі хабарлады.
Әкімдіктің мәліметінше, заңсыз сауда нүктелері ғана емес, көшелердегі 239 күш өлшегіш те алып тасталды.
«Алматы көшелерінде заңсыз саудамен күрес белсенді түрде жүріп жатыр. Қазірге дейін 341 сауда нысаны мен 239 күш өлшегіш алып тасталынды», – деп хабарлады қала әкімдігі.
Науқан барысында жабылған нысандардың көбі Алатау (111), Әуезов (67) және Бостандық (56) аудандарында орналасқан.
Бұған қоса 32 заңсыз сауда құрылысы анықталған. Оларға қатысты материалдар құзырлы органдарға жөнелтілген.
