Қазақстандық танымал тележүргізуші, қоғам белсендісі Динара Сәтжан өзінің тегі өзгертетінін жариялап, жұртты таңғалдырды. Бұл туралы ол Әсел Әуелбековамен YouTube арнасындағы сұхбатында айтты.
«Тағы бір эксклюзив. Шок боласыздар. Мен фамилиямды ауыстырамын», — деп мәлімдеді Динара. Ол өзінің аты-жөні бүгінде брендке айналғанын айта келе, болашақта жаңа фамилиямен де жеке бренд қалыптастыратынын жеткізді.
Тележүргізушінің айтуынша, ол бұл шешімді бұрыннан қабылдаған. Дегенмен қазіргі жұбайы Жұмабек Жанықұловпен таныстықтан кейін, бұл шешім айқындала түскен.
«Мен ұзақ уақыт бойы жалғыз болдым. Неліктен мен жалғызбын деп көп ойландым. Себебі менің бар назарым, күшім, уақытым — бәрі «Динара Сатжан» брендіне жұмсалды», — деді Сәтжан.
Сондай-ақ Динара Сәтжан өзінің жаңа күйеуі Forbes тізіміндегі беделді кәсіпкер Жұмабек Жанықұлов екенін жария етіп, таныстықтары туралы айтты.
Айта кетейік, жұлдызды жұп 2 сәуір күні ресми түрде некелерін қиған еді.
