Жатар алдында телефон қарау ұйқысыздыққа алып келеді

Жарияланды
General News бөлімінің тілшісі
Жатар алдында телефон қарау ұйқысыздыққа алып келеді / фото: ашық дереккөз

Норвегия ғалымдары кешке экран алдында көп отыру ұйқыға кері әсер ететінін анықтады. Зерттеу нәтижесі бойынша, ұйықтар алдында әр қосымша сағат ұйқысыздыққа шалдығу қаупін 59 пайызға арттырады.

Бұл зерттеуге 45 мыңнан астам студент қатысқан. Ғалымдардың айтуынша, тек әлеуметтік желі қарап қоймай, интернеттегі басқа нәрселермен де айналысатындарда ұйқы мәселесі жиі кездеседі. Ал кешке мүлде гаджет қолданбайтындарда ұйқы проблемасы 24 пайызға аз болады.

Зерттеу авторы Берге Сивертсон экран алдында ұзақ уақыт отыру тек ұйқыға емес, сонымен қатар стресс пен көңіл-күйдің нашарлауына да себеп болатынын айтты.

Дегенмен, ғалымдар бұл зерттеуде тамақтану, психологиялық жағдай сияқты басқа факторларды ескермеген. Болашақта осы жағын да қарастырмақ.

Бұған дейін ұйқыны реттеу үшін қандай дәрумендерді ішуге болатынын жазған едік.

Сондай-ақ оқыңыз