«Түрмеге отырғызам». Әуезов ауданының тұрғыны әкім орынбасарының өзіне қоқан-лоққы көрсеткенін айтты

Алматы тұрғыны Әуезов ауданы әкімінің орынбасарынан қоқан-лоққы көргенін мәлімдеді. Бұл туралы Алматы әкімі Ерболат Досаевтың Әуезов ауданы тұрғындарымен кездесуі кезінде айтылды.

«Біздің ауданда Зейтаев Жарас атты әкімнің орынбасары бар. Ол маған қоқан-лоққы көрсетті. Менде оның жазбасы да бар. Қазір көрсете алам. Ол маған «прокуратура арқылы «түрмеге отырғызам» деп қоқан лоққы көрсетті. «Я же двигаюсь, Женя, двигаюсь» дейді. Бұл не жаргон? Ол мені түрмеге тоғытпақшы», – деді аудан тұрғыны Сәкен Әбілов.

Ерболат Досаевқа тұрғынға полицияға шағым түсіруге кеңес берді.

«Бұл жер үкім шығаратын орын емес. Өтініш түсіріңіз. Міндетті түрде қарастырам. Сіз сондай-ақ полиция департаментіне немесе әкімге ашағым түсіре аласыз», – деді әкім.

Еске сала кетсек, 20 наурыз күні Ерболат Досаев Наурызбай аудынының тұрғындарымен кездескен болатын. Бұл кездесуге кәсіпқой боксшы Қанат Ислам келіп, әкімнен спорт орталықтарын ашуды сұраған еді.