
/ Фото: Бас прокуратура
Ұлытау облысы Сәтбаев қаласы әкімдігі тұрғын үй коммуналдық шаруашылық бөлімінің бұрынғы басшысы басқа адамдармен сөз байласу арқылы 91 млн теңгеге жоқ ғимаратты сатып алған.
«Ұлытау облысы прокуратурасы қоныс аудару бағдарламасы аясында бюджет қаражатын жымқыру фактісі бойынша Сәтбаев қаласы әкімдігінің ТҚШ бұрынғы басшысы мен басқа да тұлғаларға қатысты сотқа дейінгі тергеуді аяқтады», – делінген баспасөз хабарламасында.
Қандай заңсыздыққа барған?
Әкімдік шенеунігі сыбалайстарымен бірігіп, қызметтік өкілеттігін пайдаланып, іс жүзінде, жоқ ғимаратты мемлекеттік мұқтаждық үшін сатып алған. Солайша 91 млн теңгеден астам қаражат жымқырылған.
Тергеу барысында бұл іске қатысы бар барлық күдіктіге түрлі бұлтартпау шаралары қолданылып, мүліктеріне тыйым салынған.
Ал 7 наурыз күні қылмыстық іс сотқа жолданған.