
Күн де күндердің бір күнінде ғаламшарын жалмаған жұлдызға айналмақ./фото: chatgpt
Ғаламшарын жалмаған жұлдыз табылды. АҚШ астрономдары Ұлу тұмандығындағы ақ ергежейлі жұлдыздың фотосын жариялады.
Олар мұның расында да ғаламшарын жалмаған жұлдыз екенін мәлімдеп отыр. НАСА мәліметінше, бұл жұлдыз маңындағы ғаламшарларды бүлдірген.
Жұлдыздардың ақыры
Астрономдар бұрын-соңды бұл құбылысты ешқашан бақылап көрмеген. Бұрын теория түрінде айтылып келгенмен, енді бұл жайт ғаламшарын жалмаған жұлдызға нақты мысал болмақ.
«Бұл – жұлдыздар өмірінің ақырғы кезеңі. Алыстан қарағанда бұл өте әдемі көрініс береді. Ғалымдар ғарыштағы ғаламшарлары бар Ұлу атты тұмандықтан осы құбылысты байқап отыр», – деп жазды НАСА сайты.
Бұл нұсқа 40 жылдан аса осы тұмандықтан келіп жатқан жұмбақ рентген сигналдарының сырын ашады.
Жұмбақ сәулелер
Астрономдар одан келіп жатқан түрлі сәулелерді бақылап, нысандарды зерттеп жатыр. Бұл рентген сәулелерін түрлі обсерваториялар мен ғарыш телескоптары анықтаған. Мәселен, Чандра обсерваториясында қызылкүрең, Хаббл телескобы қызғылт-сары немесе ашық көгілдір, VISTA атты Еуропаның оңтүстігіндегі обсерваторияда алтын түстес немесе қара көк түсте көрінеді.
Бұл сәулелер Ұлу тұмандығынан келіп жатыр. Чандра мәліметіне қарағанда, бұл – ғаламшарын жалмаған ақ ергежейлі жұлдыз.
Жердің тағдыры туралы талас
5 миллиард жылдан кейін Күнді жарқыратып тұрған отындығы таусылып, барынша ісініп, алып қызыл жұлдызға айналады. Бұл үдеріске қатысты ұзақ жылдар бойы астрономдар арасында пікірталас жүрді. Қызыл жұлдызға айналған Күннің Меркурий мен Шолпан ғаламшарын жұтып жіберетініне ешкімнің дауы жоқ. Мәселе – «Ісінген күн Жерге жете ме, жоқ па?» деген сауалда еді.
Күн Жерді жалмай ма?
Күн де күндердің бір күнінде ергежейліге айналмақ. Өйткені соңғы ғылыми есептеулер Жердің де аман қалмайтынын, Меркурий мен Шолпанның тағдырын қайталайтынын көрсетіп беріп отыр. Демек, Жер де ғаламшарын жалмауы мүмкін.
Демек, Күн қазіргісінен де кішірейіп, Ұлу тұмандығында төңірегіндегі ғаламшарларды жалмаған ақ ергежейлі жұлдыздың тағдырын қайталамақ.
Мұның алдында SpaceX ғарыш стансасында айлап қалып қойған бірнеше ғарышкерді қайтаруға зымыран ұшырғаны туралы жазған едік.