Porsche нағыз танкке айналуы мүмкін

Porsche нағыз танкке айналуы мүмкін. Былтыр компания миллиардтаған шығынға ұшыраған соң, Porsche SE жаңа бизнес салаларға көз тігіп жатыр.

Еsut ақпаратына қарағанда, енді Porsche нағыз танкке айналуы мүмкін. Компания қорғаныс өнеркәсібіне қайта оралу мәселесін қарастырып отыр.  

Былтыр неміс автокөлік индустриясы сәтсіздікке ұшырады. Porsche SE холдингі 20 млрд еуро көлемінде таза шығын көрсетті. Оған Volkswagen-нің 31,4%-ы және Porsche-нің 25%-ы қарайды. Менеджерлер қатаң үнемдеу шараларын талап етіп отыр. 

Бұрын Leopard-1 танкісін жасаған

Шынтуайтында, Porsche нағыз танкке айналамын десе, кедергі көп емес. Тәжірибесі де бар. Германия қарулы күштері – Бундесвер бұрыннан таныс ұйым. 1958 жылдан бастап Dr. Ing. h.c. F. Porsche GmbH компаниясы бас мердігер ретінде «Тип 814» деген атаумен жас Бундесвер үшін жаңа стандартты танкті әзірлеуді бастаған. Бұл жобаға Porsche-нің Екінші дүниежүзілік соғыс кезінде жинаған тәжірибесі, әсіресе, шасси саласындағы білімі енгізілген.

1963 жылдың қазан айында ресми түрде бұл танкке «Leopard» деген атау беріліп, әскер қатарына тапсырылды.

Auto Union-нан ұтылып қалды

Сондай-ақ Porsche «Тип 597» деп аталатын басқа көлікпен де жас Федералды Республикадан тапсырыс алуға тырысты. Бұл көлік ашық корпустағы жол талғамайтын көлік болған. «Кюбельваген» деп аталды. Оны Porsche-ге тән ауада салқындатылатын төрт цилиндрлі Boxer қозғалтқышы қозғаған. Ол Porsche 356 моделінен алынып отыр. Porsche нағыз танкке, әскери көліктерге айнала алады, бұл әсте таңырқайтын жайт емес.

Дегенмен бұл көлік әскер сынағында бәсекелесінен – сол кездегі Auto Union (қазіргі Audi AG) компаниясының DKW Munga үлгісінен ұтылып қалды. Соңғысы 1956 жылы «Lkw 0,25 to gl» ретінде Бундесверде қолданыла бастады. Ал соңғы бірліктері 1980 жылдардың ортасында қызметтен шығарылды.

2 млрд еуро инвестиция

Porsche SE холдингі бастапқы кезеңде нақты әзірлеу жобаларынан гөрі компанияларға үлестік қатысу арқылы инвестиция салуды көздейді. Мәселен, 2024 жылдан бастап олар ұшқышсыз ұшу аппараттарын, дрондарды әзірлейтін Quantum-Systems стартапына ондаған миллион еуро көлемінде инвестиция құйды. Бұл дрондар әскери мақсатта да қолданылып келеді. Украинадағы соғыс осы автономды дрон жүйелерінің қандай зор әлеуетке ие екенін көрсетті. Енді Porsche нағыз танкке айналғалы отыр.

Компания басқармасының Manager Magazin–ге берген мәліметі бойынша, осындай инвестициялар үшін қазіргі таңда шамамен 2 миллиард еуро көлемінде қолма-қол қаражат бар.

Мұның алдында АҚШ-та Ferrari мен Porsche күрт қымбаттағаны туралы жазған едік.