Geely төртінші буындағы Atlas кроссоверін таныстырды
Қытайдың Geely автокомпаниясы төртінші буынға жататын Atlas кроссоверін таныстырды. Қытайдың өзінде ол Boyue L деп аталады.
Geely Atlas кроссоверінің басты ерекшеліктері
IT Home басылымының мәліметінше, бұл кроссовердің осымен төртінші генерациясы. Автомобильдің сыртқы пішінінде өзгеріс бар, бірақ артқы жағы сол күйі қалды.
Өзгерістің көбі автокөлік салонында. Енді оған төрт спиці бар руль және екі экран орнатылған.
Geely өкілдері автокөлік медиасервисі әлдеқайда жақсарғанын, Flyme Auto операция жүйесінде жасанды интеллект барын айтып отыр. Кроссовер орындықтарына желдеткіш пен массаж орнатылған.
Қытай компаниясы әзірге жаңа буындағы кроссовердің техникалық сипатын ашып айтпай отыр. Бірақ оның қуаты 1.5T және 2.0T болатыны мәлім.
Жол талғамайтын кроссовер Қытайда 10 сәуірде саудаға шығады деп жоспарланған.
Бұған дейін ATLAS 4WD кроссовері саудаға түскені мәлім. Ол Қазақстанда 14,5 млн теңгеден сатылып жатыр.
Естеріңізге сала кетейік, 2024 жылы Қытайдың Geely компаниясы 2,3 млрд доллар таза табыс тапты. Zeekr мен Lynk & Co брендтеріне ие компания былтыр 2,1 млн көлік сатты. Әзірге Қытай автонарығын BYD бастап келеді. Geely соны қуып жетуге талпынып жатыр.
Жақында Mercedes-Benz биыл жазда саудаға түсетін жаңа CLA электромобиль седанын таныстырып, Tesla-ны Еуропа автонарығынан түпкіліпті ығыстырып шығаруды көздейтінін мәлімдеді. Mercedes-Benz CLA бағасы мен басты ерекшелігін Kursiv.Media мақаласынан оқыңыз.
