Әлемге танымал қазақстандық әнші, халық әртісі Димаш Құдайберген 2025 жылдың қараша айында Еуропаның үш ірі қаласында жеке концерт береді. Бұл туралы әнші өзінің Instagram парақшасында жариялады.
Кесте бойынша:
- 8 қараша Барселона (Испания)
- 12 қараша Лондон (Ұлыбритания)
- 14 қараша Берлин (Германия)
Аталған қалалардағы шоу-концерттер «Stranger» атты жеке тур аясында өтпек. Әншінің жанды дауыста орындайтын ауқымды шоуы әр елдегі тыңдармандары үшін арнайы дайындалмақ.
Билеттердің сатылымы
Лондонда өтетін концерттің билеттерінің сатылым 14 наурыз күні шыққан еді. Ал Берлинде өтетін концерттің билеттері 5 сәуірден бастап ресми сату платформаларына шығады.
Димаш Құдайберген – халықаралық деңгейдегі феномен
Көпшілікке «Bastau», «Arnau», «Stranger» секілді ірі концерттерімен танылған Димаш Құдайберген бұған дейін Нью-Йорк, Лос-Анджелес, Прага, Дубай, Ыстанбұл, Мәскеу сияқты әлем қалаларында аншлагпен концерт өткізген еді.
Димаштың өнерін бағалайтын отандастары үшін бұл – әншінің шет елдегі концерттеріне қатысуға жақсы мүмкіндік. Ұйымдастырушылар билет сатылымы басталысымен-ақ орындар тез таусылып қалуы мүмкін екенін ескертеді.
Еске сала кетейік, бұған дейін Димаш Құдайбергеннің Еуропадағы концертіне бару үшін қанша қаражат кететінін жазған едік.
