Тележүргізуші Динара Сәтжанның тұрмысқа шығуы ел ішінде кеңінен талқыланып жатыр. Сәтжанның таңдауы – Forbes Kazakhstan рейтингіне енген, еліміздегі ең ықпалды кәсіпкерлердің бірі Жұмабек Жанықұлов. Жанықұлов – өндіріс, медицина, химия және қоғамдық салада белсенді қызмет атқарып келе жатқан кәсіпкер.
Forbes тізіміндегі орны
2022 жылы Жұмабек Жанықұлов Forbes Kazakhstan ұсынған «Қазақстанның 50 ең ықпалды бизнесмені» тізімінде 46-орынға тұрақтаған. Басылым оның бизнесінің әртараптандырылған құрылымы мен экономиканың түрлі салаларындағы ықпалын атап өткен.
Ірі жобалар мен бизнес бағыттары
Кәсіпкердің бизнес портфолиосы бірнеше саланы қамтиды:
- «Karazhal Operating» ЖШС – Қарағанды облысындағы барит кенін өңдеумен айналысады. Бұл жоба әлемдік мұнайсервис алыбы Halliburton компаниясымен бірлесіп іске асырылған.
- Global Chemicals Company – тау-кен байыту және мұнай-газ саласына арналған арнайы химиялық реагенттерді жеткізумен айналысады.
- Saryopan Operating – химиялық реагенттер өндіретін зауыт. Жоба бельгиялық Carmeuse Group компаниясымен серіктестік негізінде жұмыс істейді.
- «Тараз металлургиялық зауыты» және Теміртау электрометаллургиялық комбинаты – ферросплавтар өндірісінің ірі орталықтары. Жанықұлов бұл екі зауыттың да президенті.
- Nova Medical Centre – ел бойынша 11 филиалы бар медициналық диагностикалық орталықтар желісі.
Қоғамдық қызмет және әлеуметтік бастамалар
Жұмабек Жанықұлов тек бизнесмен ғана емес, қоғамдық белсенді тұлға ретінде де белгілі. Кәсіпкер – «PARYZ» Ұлттық жұмыс берушілер президиумының төрағасы. Бұл ұйым арқылы жұмыс берушілер мен кәсіпкерлердің құқықтары мен мүдделерін қорғап келеді.
Сонымен қатар «Кемел Ұрпақ» қоғамдық қорының негізін қалаған. Қор жастарды қолдауға, білім беру және тәрбиелік жобаларды іске асыруға бағытталған.
Жеке өмірі: Динара Сәтжанмен некелесу
2025 жылдың сәуір айында Жұмабек Жанықұлов пен танымал тележүргізуші Динара Сәтжан ресми түрде некелесті. Тележүргізуші күйеуінің тегіне ауысатынын айтқан.
