Астана әуежайына «Ethiopian Airlines» әуе компаниясының алғашқы ұшағы қонды
Жарияланды
Астана әуежайына алғаш рет «Ethiopian Airlines» әуе компаниясының ұшағы қонды.
Астана әуежайының мәліметінше, аталмыш әуекомпанияның Макао-Астана-Мадрид бағыты бойынша ұшқан алғашқы жүк рейсі Нұрсұлтан Назарбаев халықаралық әуежайына жанармай құю үшін қонған.
«Әуежай өкілдері экипажды жылы қарсы алып, транзиттік рейстер географиясының кеңеюін қуана атап өтті.Елорда әуежайы әлемге ашық – біз халықаралық қонақтарды, тіпті қысқа техникалық сапар мақсатымен келген ұшақтарды да қарсы аламыз»,–делінген хабарламада.
Еске сала кетейік, биыл 1 мамырдан бастап QAZAQ AIR әуе компаниясы Астана – Самарқан бағытында жаңа рейсін іске қосады. Астана – Самaрқан әуе бағыты аптасына екі рет, бейсенбі және жексенбі күндері орындалады.
