ЕуроОдақ Илон Масктің Х әлеуметтік желісіне 1 млрд доллардан астам айыппұл салмақшы

ЕуроОдақтың реттеуші органдары Илон Масктің X әлеуметтік желісіне (бұрынғы Twitter), заңсыз контент пен дезинформациямен күрес туралы заңды бұзғаны үшін үлкен «айыппұл санкцияларын» енгізуді жоспарлап отыр.  

АҚШ-тың The New York Times  баслымының мәліметінше, әлеуметтік желіге қарсы санкциялық айыппұл шараларынан бөлек, қызметтерге өзгерістер енгізу талабын да қамтиды. Айыппұл туралы шешім биыл жазда жарияланады деп күтілуде.

«Бұл қадам, мүмкін, ЕуроОдақ пен Америка Құрама Штаттарының арасындағы шиеленісті одан әрі күшейте түсуі мүмкін, себебі ол президент Трамптың жақын кеңесшілерінің біріне қарсы бағытталған», — деп жазады NYT.

Бүгінде Еуропалық Одақ билігі Масктің әлеуметтік желісіне қанша көлемде ірі айыппұл салуға болатынын қарастырып жатыр. Дереккөздердің бірінің мәлімдеуінше, айыппұл миллиард доллардан асып кетуі мүмкін. Бұл шара басқа компанияларды цифрлық қызметтер туралы заңды бұзудан сақтандыру үшін қолға алынбақ.

Басылым дереккөздерінің хабарлауынша, X әлеуметтік желісіне қатысты тергеу Дональд Трамп жақында үлкен тауарлық баж салығын енгізу туралы мәлімдемесіне қарамастан, жалғасып жатыр.

Еске салайық, X әлеуметтік желісіне 10 наурыз күні ауқымды кибершабуыл жасалған болатын. Желі қолданушылары бірнеше сағат жүйеге кіре алмаған. Маск шабуыл жасалғаны туралы ресми мәлімдеме жасады. Айтуынша, шабуылдың үйлестіруші тобы немесе бір елдің күші болған болуы мүмкін. Х қорғаныс жүйесі түнде байланыс жүйелерін қалпына келтіріп, бақылауды қайтарған.