Гарри ханзада жасырын түрде Украинаға барып қайтты

Ұлыбритания ханзадасы Гарри жасырын түрде Украинаға барып, жергілікті госпитальдегі украин сарбаздарының жағдайын сұрады.

Telegraph газетінің мәліметінше, Гарри Украинаға бара жатқанын алдын ала хабарламаған.

«Құпия сапар туралы ханзада Украинадан кеткеннен кейін ғана мәлім болды», – деп жазды басылым.

Сассекс герцогы Львов қаласында украин жауынгерлері емделіп жатқан төрт госпитальге барған. Бұған қоса Украина ардагерлер ісі жөніндегі министрі Наталья Калмыковамен кездескен.

Гарри ханзада 2022 жылы соғыс басталғалы бері британ патша отбасынан Украинаға барған екінші адам. Былтыр Эдинбург герцогинясы Софи соғыс жүріп жатқан елде болған. Оның Киевке сапары Ұлыбритания сыртқы істер министрлігі атынан жасалған.

Газеттің мәліметінше, өткен айда Уильям ханзада Эстонияға сапарлап, украин босқындарымен кездескен.

Гарридің Украинаға сапары туралы Букингем сарайына алдын ала хабарланбаған, себебі герцог енді жерде патша отбасының мүшесіне жатпайды.

Ресей 2022 жылғы ақпанда Украинаға басып кірген уақытта, Сассекс ақсүйектері Владимир Путин әрекетін сынап, «Украина халқын қолдайтынын» мәлімдеген.

«Гарри ханзада мен Меган, сонымен бірге Сассекс герцогтары мен герцогинялары Украина халқымен бірге», – деп мәлімдеген ақсүйек отбасы.