Жаңбыр, найзағай, бұршақ: 14 сәуірге арналған ауа райы болжамы

«Қазгидромет» РМК 2025 жылғы 14 сәуірге арналған ауа райы мен синоптикалық жағдай туралы болжамын жариялады. Ел аумағының басым бөлігіне жаңбыр, найзағай күтіледі. Түнде еліміздің орталығында және оңтүстік-шығысында қатты жаңбыр жаууы ықтимал. Солтүстікте жаңбыр мен қар түріндегі қатты жауын-шашын болжанып отыр.

Тек республиканың оңтүстік-батысында ғана жауын-шашынсыз ауа райы сақталады.

Кей аймақтарда тұман түсіп, жел күшейеді. Оңтүстік-шығыс, шығыс, солтүстік және орталық өңірлерде бұршақ жаууы мүмкін. Оңтүстік-шығыста бұдан бөлек, қатты дауыл соғуы ықтимал.

Жетісу облысындағы Алакөл көлдері маңында күндіз желдің екпіні секундына 30 метрге дейін жетуі мүмкін.

Ақмола, Қостанай, Солтүстік Қазақстан облыстарының батысында, сондай-ақ Ақтөбе облысының солтүстігінде 3 градусқа дейін үсік жүреді деп күтілуде.

Мамандар тұрғындарға ауа райының өзгеруіне байланысты барынша сақ болуды және қажетті сақтық шараларын ұстануды ескертеді.