Абай облысында тағы да өрт. ТЖМ тұрғындарды эвакуациялап жатыр

Абай облысының Жаңасемей ауданында күнбағыс қабығы өртенген. Салдарынан елдімекендерді көк түтін басқан. ТЖМ тұрғындарды эвакуациялаған.

Өртті сөндіруге ТЖМ, ПД, ЖАО, ЖШС және ҚР ТЖМ 68303 әскери бөлімінің 111-ден астам адамы мен 33 бірлік техника жұмылдырылған. Сонымен бірге авиацияны іске қосты.

Тікұшақ жұмылдыруды Төтенше жағдайлар министрі генерал-майор Шыңғыс Әрінов тапсырған.

«Әуе кемесін қолдану өрттің таралуына жедел ден қоюды қамтамасыз ете отырып, өрт сөндірудің жылдамдығы мен тиімділігін арттырады», – деп хабарлайды баспасөз қызметі.

Өртке байланысты Абай облысының Төтенше жағдайлар департаменті жедел желі ашып, психологтар жұмыс істеп жатыр.