Алматы облысында сот залынан қашып кеткен күдікті 13 күннен кейін ұсталды. Оған адам зорлады деген айып тағылған болатын.
Алматы облысы полиция департаментінің мәліметінше, күдікті 1 сәуір күні Қарасай ауданаралық мамандандырылған қылмыстық сотының аумағынан қашып кеткен. Полиция ер адамның Ақши ауылында ұсталғанын мәлімдеді.
«Оны іздеуге полицияның барлық күштері мен Ұлттық ұлан жұмылдырылды. Сондай-ақ көршілес облыстардан да бөлімшелер тартылды», – деп нақтылады ведомство.
Ол арнайы жасақтың көмегімен ұсталып, уақытша ұстау изоляторына жеткізілді.
Айта кетейік, осыған дейін Алматы қаласында ұрлық жасағаны үшін ұсталған күдікті тергеу изоляторынан қашып кеткен болатын.
