Қазақстанда адвокаттық мантияның нысаны мен сипаттамасы бекітілді. Бұл адвокаттардың мантияда сот отырыстарына қатысу құқығын іске асыру шеңберінде әзірленген.
Мантия адвокаттың басқа жеке субъектілерден ерекшеленетін ерекше қоғамдық-құқықтық мәртебесін атап көрсетеді. Адвокат кәсіби қызметін жүзеге асыруға кедергі келтіретін қудалаулардан, тінтулерден және басқа да араласулардан қорғайтын иммунитетке, сондай-ақ ерекше кәсіби артықшылықтарға ие.
Мантия кию – міндет емес, құқық.
Әрбір адвокат сот процесінде мантия киюді өзі шешеді. Сондай-ақ мантияны кәсіби мәртебеге сай салтанатты іс-шараларда киюге болады.
Мантия үлгісі
Сауалнама нәтижесі мен өңірлік адвокаттар алқаларының пікірін ескере отырып, TARBIYA ULTTYQ KIIM бренді ұсынған мантия үлгісі бекітілген.
Мантияның негізгі элементтері:
- Қара мата, аспан-көгілдір түсті жағасы бар, бұл түс Қазақстан туының түсін бейнелейді.
- Мантияның жағасы мен сәндік ленталарында «Қорғау» ұлттық өрнегі қолданылған, бұл «қорғау» немесе «тұмар» дегенді білдіреді. Бұл символ Қазақстан Республикасының Мемлекеттік кеңесшісі Е.Т. Карин құрастырған «OIU Qazaq Design» жинағынан алынған.
- Мантияның ашық фасоны түймесіз және бекіткіштерсіз. Ол адвокаттың еркіндігі мен тәуелсіздігін бейнелейді. Оның бастықтары жоқ, және ол ешкімнің алдында «түймеленбейді», бұл формалы киімдерге қарама-қарсы, өйткені оларды киетін адамдар барлық түймелерін іледі және ол күш құрылымдарында иерархия мен бағынушылықты айқындайды.
- Өрнектері бар симметриялы көк ленталар теңдікті, тепе-теңдікті және әділеттілікті білдіреді.
Бекітілген мантия дизайнына айрықша мүліктік құқықтар толығымен Республикалық адвокаттар алқасына TARBIYA ULTTYQ KIIM брендінің дизайнерімен жасалған авторлық шарт негізінде берілген. Автор сондай-ақ мантияны басқа өндірушілердің жасап шығаруы бойынша ешқандай талаптар қоймайтынын растаған.
