Subaru Outback жаңа буынға көшіп, кроссоверге айналды. 1990-жылдардан бері универсал түрінде шығарылып келген модель. Енді кроссовер ретінде жаңарды. Жапондықтар жетінші буындағы модельдің дизайнын ерекшелеуге тырысқан. Дегенмен техникалық жағынан автокөліктің бұрынғы күйі сақталып қалды.
Кроссовер Subaru Outback-та не өзгерді
Subaru Outback бұрынғыға қарағанда, төртбұрыштылау пішінге ие болды. Алдыңғы жарық шамдары көлемді тік радиатор торын қоршап тұр.
Интерьері дәстүрлі беріліс қорабы селекторын сақтап қалған және климат-бақылау жүйесіне арналған жеке батырмалар блогымен жабдықталған. Кроссоверге 12,1 және 12,3 дюймдік дисплейлері бар жаңа мультимедиа жүйесі, сымсыз Apple CarPlay және Android Auto, сондай-ақ дауыс арқылы басқару функциясы орнатылған.
АҚШ нарығына арналған нұсқада бұрынғы қозғалтқыштар қолданылады. Негізгі жиынтықта 2,5 литрлік атмосфералық оппозитті қозғалтқыш (180 ат күші, 241 Нм) ұсынылады. Қымбатырақ комплектацияларда 2,4 литрлік турбомотор болады, ол 260 ат күшін және 376 Нм моментті қамтамасыз етеді. Екі жағдайда да 8 сатылы вариатор және фирмалық толық жетекті жүйе қолданылады.
Outback Wilderness несімен ерекше
Outback Wilderness тек турбомотормен жабдықталады. Бұл нұсқада сыртқы жағынан әлдеқайда ірі алдыңғы қорғаныс элементтері мен қола түсті әрлеу элементтері көзге түседі. Техникалық жағынан — жеке баптаулары бар бейімделетін амортизаторлар мен толық жетек жүйесінің өзгеше калибровкалары ерекшеленеді.
Стандартты кросовер жабдықтарына үш фронтальді камерасы бар EyeSight жүргізушіге көмек көрсету жүйесі кіреді. Ол адаптивті круиз-бақылау, төтенше тежеу жүйелері және қозғалыс жолағын бақылау функцияларымен қатар, кейбір магистральдарда сағатына 140 км жылдамдыққа дейін рубльден қолды алуға мүмкіндік береді.
Нарыққа қашан шығады
Subaru Outback-тің АҚШ-тағы сатылымы 2025 жылдың соңында басталады. Компания сол уақытқа қарай қалған техникалық мәліметтермен бөліседі деп күтілуде.
