Volkswagen өз электромобильдерінің жүйесіне Pac-Man аркадалық ойынын қосты. Ол көлікті қуаттау кезінде қолжетімді болады.
Ойын мультимедиялық жүйемен жабдықталған модельдерде қолжетімді AirConsole қосымшасы арқылы іске қосылады, ал смартфон — ойын контроллері ретінде пайдаланылады. Бұл мүмкіндікті тек көлік тұрақта тұрған кезде ғана қолдануға болатыны нақты көрсетілген.
Ойынның жаңа нұсқасында VW автокөліктеріне арналған стильдендірілген визуалды элементтер пайда болды. Олардың арасында Beetle, T1 Transporter және Golf R32 модельдерінің силуэттері, GTI, GTX және R логотиптері, сондай-ақ дискілердің бейнелері бар. Тіпті үйреншікті «пауэр-аптар» да енді брендтің эмблемалары түрінде жасалған.
Бұл ойын мүмкіндігі ID.3, ID.4, ID.5 және ID.7 модельдерінде, сондай-ақ кейбір іштен жанатын қозғалтқышы бар көліктерде — Golf, Passat, Tiguan және Tayron — қолжетімді. Қазіргі таңда қосымша Еуропа елдерінің көпшілігінде қолжетімді.
Компания мұндай функционал зарядтау станцияларында күту уақытын қызықты өткізуге көмектеседі деп санайды. Жүйеге қашан заманауи ойындар қосылатыны әзірге хабарланған жоқ.
Bandai Namco компаниясымен серіктестік Pac-Man Championship Edition нұсқасын біріктіруге мүмкіндік берді. Бұл нұсқа алғаш рет 2007 жылы шығарылған болатын.
