Тоқаев Үндістан премьер-министріне көңіл айтты

Қазақстан президенті Қасым-Жомарт Тоқаев Үндістанның премьер-министріне көңіл айтты. Бұл туралы Ақорда хабарлады.

Тоқаев премьер-министр Нарендра Модиге Үндістанның солтүстігінде орналасқан Пахалгам қаласындағы жантүршігерлік лаңкестік әрекет салдарынан бейбіт тұрғындардың қаза табуына байланысты көңіл айту жеделхатын жолдады.

Президент халыққа қарсы жасалған бұл зорлық-зомбылықты қатаң айыптайтынын жеткізіп, зардап шеккен азаматтардың тезірек сауығып кетуіне тілектестігін білдірді.