Астанада тұрғын үй ауласында 6 жастағы бала қайтыс болды
Жарияланды
Астанада тұрғын үй кешенінің ауласында 6 жастағы баланы көлік қағып кетті, деп хабарлайды KursivMedia.
«Алдын ала дерек бойынша Dongfeng маркалы автокөліктің 38 жастағы жүргізушісі әл-Фараби көшесіндегі аула аумағында маневр қауіпсіздігіне көз жеткізбей, велосипедтегі алты жастағы баланы қағып кеткен», – деп хабарлады Астана полициясы.
Бала ауруханаға жеткізілді, ол алған жарақатынан қаза тапты.
Жергілікті полицияның хабарлауынша, бұл жағдайға байланысты қылмыстық іс қозғалды. Сондай-ақ тұрғын үй аумағында аса мұқият болуға шақырды.
