Путин өтірік сөзді қойып, соғыс жүргізуді доғарсын – Макрон

Франция президенті Эммануэль Макрон Ресей басшысы Владимир Путинді сынға алып, оның «бейбітшілік орнатқысы келетіні» жайлы сөздерін «өтірік» деп атады.

«Францияның ұстанымы өзгермейді: біз халықтардың егемендігін және аумақтық тұтастығын қолдаймыз. Путин бейбітшілік орнатқысы келеді деп айтқанымен, Украинаға әуе шабуылдарын жалғастырып отыр. Біздің күтіп отырғанымыз бір-ақ нәрсе — Путин шартсыз атысты тоқтатуға келіседі ме, жоқ па?» — деді Макрон.

Сонымен қатар, Макрон Қырымның мәртебесі туралы мәселе қазір күн тәртібінде жоқ екенін атап өтті, бірақ бұл Ресейге «еркін жол беру» дегенді білдірмейтінін жеткізді.

АҚШ-тың бұрынғы президенті Дональд Трамп Ресейдің Киевке жасаған түнгі соққыларына байланысты алаңдаушылық білдіріп, Владимир Путинге үндеу жасады:

«Бұл шабуылдың еш қажеті жоқ еді, әрі уақыты өте сәтсіз таңдалған. Владимир, ТОҚТА! Апта сайын 5000 сарбаз қаза тауып отыр. Бейбіт келісімге келейік,» — деп жазды Трамп Truth Social желісінде.

Трамп Ресей мен Украина жақында бейбітшілік келісімге келеді деп сенеді.