Президент Қасым-Жомарт Тоқаев Люксембург премьер-министрі Люк Фриденмен телефон арқылы сөйлесті, – деп хабарлайды Ақорда.
Ақорда мәліметінше, Люк Фриденмен әңгімелесу барысында президент екіжақты ынтымақтастықтың қазіргі жай-күйі мен даму перспективасын сөз еткен. Соның ішінде энергетика, қаржы, цифрлық технология, инновация сынды салалардағы өзара тиімді кооперация мәселесіне баса мән берілген.
Тараптар Еуропа Одағы аясындағы серіктестік әлеуетін пайдаланудың, сондай-ақ Бенилюкс елдерімен ықпалдастықты күшейтудің маңыздылығына тоқталып өткен.
