2 мамыр күні Францияның Ле-Ман қаласында футзалдан Чемпиондар лигасының финалдық кезеңі аясында жартылай финалдық матч өтеді. Алматылық «Қайрат» Испанияның «Картахена» клубымен кездеседі.
Жанкүйерлер бұл ойынды Qazsport телеарнасынан тікелей эфирде көре алады. Матчтың басталу уақыты – 20:50.
«Қайрат» Чемпиондар лигасының осы маусымындағы негізгі және элиталық кезеңдерінде керемет нәтиже көрсетті:
Негізгі раундта келесі командаларды жеңген еді:
- «Халадаш» (Венгрия) – 6:4
- «Семей» (Қазақстан) – 5:1
- «Спортинг» (Португалия) – 3:2
- Элиталық раундта:
- «Олмиссум» (Хорватия) – 1:0
- «Динамо» (Хорватия) – 5:1
- «Этуаль» (Франция) – 4:2
Қарсылас туралы не білеміз?
«Картахена» клубы да осал емес. Испаниялықтар элиталық кезеңде ірі есеппен жеңістерге жетті:
- «Катания» (Италия) – 8:1
- «Рига» (Латвия) – 4:1
- «Юнайтед Галац» (Румыния) – 6:1
Айта кетейік, екінші жартылай финал түнгі сағат 00:00-де өтеді. Онда «Пальма» мен «Спортинг» командалары кездеседі. Екеуі де Еуропаның үздік клубтары қатарында.
