Алматыда жер сілкінісі сезілді
Жарияланды
2025 жылғы 12 мамыр күні Алматы уақытымен сағат 11:38-де жер сілкінісі сезілді. Сейсмологтардың мәліметінше, зілзаланың эпицентрі Қырғызстан аумағында, Алматыдан оңтүстік-шығысқа қарай шамамен 239 шақырым жерде, Нарын қаласынан 81 шақырым жерде тіркелді.
Жер сілкінісінің магнитудасы – 5.0, тереңдігі – 10 км. Алдын ала деректер бойынша, зілзаланы Алматы қаласының тұрғындары да сезді. Қазіргі таңда жер сілкінісінің нақты деректері мен ықтимал әсер аумағы анықталып жатыр.
Еске сала кетейік, бұған дейін 10 мамыр күні Алматы маңында 4 балдық жер сілкінісі сезілген еді.
