Әлемге әйгілі автокөлік бренді BMW хош иістер әлеміне бет бұрып, өзінің алғашқы парфюмериялық топтамасын ұсынды. Жаңа хош иіс желісі италиялық Mavive компаниясымен бірлесіп жасалған.
Топтама екі ерекше иістен тұрады:
- Bergamood — бергамот, мандарин және қызғылт бұрыш қосылған иіс.
- Amberness — бергамот, кардамон және мускат шалфейімен басталып, герань, ветивер және ваниль ноталарымен жалғасады. Соңында сандал ағашы, пачули және амброкспен аяқталады.
Флакондары да ерекше стилде: минималистік дизайн, мөлдір әйнек және BМW-ның Мюнхендегі штаб-пәтерінің архитектурасынан шабыт алған цилиндр пішінінде жасалған.
Еске сала кетейік, бұған дейін BМW коллекционерлерге арналған шағын сериялы автокөліктер шығаратыны туралы жазған едік.
