Енді алматылықтар Ыстықкөлге 55 минутта жете алады. FlyArystan 2025 жылғы 3 шілдеден бастап Алматыдан Тамшыға қатынайтын тікелей рейс ашылатынын хабарлады.
Отандық лоукастер мәліметінше, жаңа бағыт бойынша рейстер аптасына екі рет – бейсенбі және жексенбі күндері – 31 тамызға дейін орындалады.
Алматы мен Тамшы (Ыстықкөл) арасындағы әуе сапары бар болғаны 55 минутқа созылады. Кері бағытта ұшу ұзақтығы – 1 сағат. Салыстырар болсақ, алматылықтар Ыстыккөлге дейін автокөлікпен кем дегенде 5-7 сағат жол жүруге мәжбүр.
Бейсенбі күндері:
- Алматыдан ұшу – 15:05, Тамшыға қону – 17:00
- Тамшыдан кері ұшу – 18:00, Алматыға қону – 18:00
Жексенбі күндері:
- Алматыдан ұшу – 13:15, Тамшыға қону – 15:10
- Тамшыдан кері ұшу – 16:10, Алматыға қону – 16:10
Билет бағасы бір бағытқа 24 мың теңгеден басталады деп хабарлады әуе компаниясы.
Ыстықкөл – Қырғызстанда орналасқан климаты жайлы көл. Қазақстан азаматтары Ыстықкөлге жиі барады.
Биыл FlyArystan Қарағанды – Ыстанбұл, Алматы – Инин (Кұлжа), Астана – Үрімші рейстерін іске қосты.
