«QazaqGaz» ұлттық компаниясы 2024 жылы 30,2 млрд теңге көлемінде жалпы шығынға ұшырады. Бұл компанияның шоғырландырылған қаржы есептілігінде көрсетілген.
Жалпы шығынға қарамастан, компания 289 млрд теңге таза пайда тапқан. Бұл – өткен жылғы 325,8 млрд теңгемен салыстырғанда төмен нәтиже.
Ұлттық газ тасымалдаушының негізгі шығыны операциялық қызметтен пайда болған.
Есепке сәйкес, компанияның жиынтық активтері бір жылда 22%-ға өсіп, 4,32 трлн теңгеге жеткен. Ал жиынтық міндеттемелер 1,49 трлн теңгеге дейін ұлғайған (2023 жылы – 1,04 трлн теңге).
Компанияның жарғылық капиталы 2024 жылдың соңында 495,9 млрд теңгеге жетіп, бір жылда 11%-ға артты. Меншікті капитал да өсіп, 2,83 трлн теңгені құрады. Бұл 2023 жылмен салыстырғанда 13%-ға жоғары көрсеткіш.
Активтердің тиімділігі (ROA) 6,7% болды, бұл өткен жылғы 9,2%-бен салыстырғанда төмен. Меншікті капитал табыстылығы (ROE) да 13%-дан 10,2%-ға төмендеді. Ал сату табыстылығы (ROS) бір жылда 30,15%-дан 22,95%-ға құлдырады.
«QazaqGaz» ұлттық компаниясының жалғыз акционері – «Самұрық-Қазына» әл-ауқат қоры. Қор компанияның 100% акциясына иелік етеді.
Қазақстан үкіметі газ компаниясын 2026-2027 жылдары IPO-ға шығаруға ниетті.
