Алматыда BI Run қайырымдылық жарысына байланысты бірқатар көшелер жабылды
Жарияланды
Алматыда BI Run қайырымдылық жарысына байланысты бірқатар көшелер жабылды. Жолдар бүгін, 18 мамыр күні түске дейін жабық болады. Бұл туралы Алматы қаласының Спорт басқармасының баспасөз қызметі хабарлады.
«Алматыда BI Run қайырымдылық жарысының өткізілуіне байланысты 18 мамырда сағат 07:00-ден 12:00-ге дейін жарыс өткізілетін ауданда көлік қозғалысына уақытша шектеулер қойылады», – делінген баспасөз хабарламасында.
Әкімдік мәліметінше, мына көшелерде қозғалыс шектеледі:
- Бауыржан Момышұлы көшесінен оңтүстік бағытта, Мөңке көшесінен – Бигвилль Arena City ТК маңында Almaty Arena-ға дейінгі учаске. Бұл аралықта бір автобус жолағы және жеңіл автомобильдерге арналған бір жолақ жабылады. Ал қалған жолақтар штаттық режимде жұмыс істейді.
- Almaty Arena аумағындағы айналма көше толығымен жабылады. Бұл учаскеде 5 және 10 км қашықтықта қауіпсіз жүгіру маршруты ұйымдастырылады.
Бұл жолдарды шара барысында маңайдағы қауіпсіздікті жол полициясы қызметкерлері мен еріктілер қамтамасыз етеді.
«Тұрғындар мен автокөлік иелерінен уақыт шектеулерін ескере отырып, маршрутты алдын ала жоспарлауды сұраймыз», – деп ескертеді спорт басқармасы.
