Тасмағамбетов Үндістан мен Пәкістан арасындағы шиеленіске қатысты пікір білдірді

ҰҚШҰ бас хатшысы Иманғали Тасмағамбетов әлемдегі геосаяси жағдайға қатысты пікір білдірді. ҰҚШҰ өкілі Пәкістан мен Үндістана арасындағы жағдай өрши түсуі мүмкін деп топшылайды.

Пәкістан мен Үндістан арасы

«Күрделі қарулы қақтығыстарға әкелген Үндістан мен Пәкістан арасындағы қарым-қатынастың күрт нашарлауы алаңдаушылық тудырады. Қақтығыстың жақында «қарқындылығының төмендеуіне» қарамастан, қақтығыстың «ыстық фазаға» өтуінің жоғары әлеуеті сақталады. Біз қақтығысқа қатысушы екі тарап та, халықаралық қоғамдастық қарулы қақтығысты деэскалациялау және қалыптасқан жағдайдан бейбіт жолмен шығудың барлық мүмкіндіктерін пайдалануы керек екеніне сенімдіміз», – дейді Тасмағамбетов.

Басқа аймақтардағы жағдай

ҰҚШҰ бас хатшысы қалған аймақтардағы жағдайды біршама тұрақты деп бағалаған. Мәселен, Ресей мен АҚШ тарапының диалогқа келе бастағанын, нәтижесінде Еуразия континентінің бірқатар аймақтарында шеиеленіс бәсеңдей түскенін айтқан.

Сонымен бірге Корей түбегі мен Әзірбайжан мен Армения арасында да жағдай біршама тұрақталғанын атап өткен.

Украина және ҰҚШҰ

Айта кетейік, Тасмағамбетов Украинадағы шиеленіске қатысты да пікір білдірген болатын. ҰҚШҰ бас хатшысы Еуропа әскері Украинаға кірсе, ҰҚШҰ көмекке келетінін мәлімдеген еді. «Известия» басылымына берген сұхбатында, мұндай қауіп төнген жағдайда жарғылық құжатқа сәйкес, мүше мемлекеттердің барлығы мақұлдаған көмек түрі көрсетілетінін жеткізген.

Бұл сұхбатынан кейін Тасмағамбетовті сынаушылар көбейді. Көпшіліктің сынына ҰҚШҰ бас хатшысы видео үндеу арқылы жауап қатты