KASE индексіне енген қандай компаниялар дивиденд төлейді
3 маусым, сейсенбі күні KASE индексі 0,38%-ға өсіп, 5594,3 тармаққа жетті. Бұл өсім жергілікті инвесторлар белсенділігінің артуымен қатар жүрген: сауда көлемі 4,6 есе өсіп, 2,8 млрд теңгеге жетті. Сарапшылар мұны дивиденд маусымының белсенді кезеңімен байланыстырады.
Индекстің өсуіне қандай компания ықпал етті?
KASE индексіне енетін кейбір компаниялар нарықтағы өсімнің негізгі драйвері болды. Атап айтқанда:
- «Қазатомөнеркәсіп» акциялары 2,6%-ға қымбаттады. Компания биыл рекордтық дивиденд – 1264,12 теңге төлеуге шешім қабылдады (өткен жылғы 1213,19 теңгеден жоғары).
- Kaspi акциялары 1,0%-ға өскенімен, компания биыл дивиденд төлемейтінін мәлімдеді.
- Halyk Bank акциялары да 1,0%-ға өсті, акционерлері биыл бір акцияға 29,64 теңге көлемінде дивиденд алмақ (өткен жылы – 9,57 теңге).
Базалық индекс құрамындағы кейбір компаниялар кері динамика көрсеткен. Мәселен, Kcell акциялары 1,5%-ға төмендеді. Компания биыл дивиденд төлемейтінін хабарлаған.
«ҚазМұнайГаз» акциялары 0,8%-ға арзандады Дегенмен компания акционерлеріне 491,71 теңге көлемінде дивиденд төлемек.
KASE индексіне кіретін 10 компанияның жетеуі 2024 жыл үшін дивиденд аударады. Олардың ішінде ең ірілері:
| Компания | 2024 жылға дивиденд | Алдыңғы жылмен салыстыру |
|---|---|---|
| Қазақтелеком | 26664,88 тг | ↑ (2023: 2096,6 тг) |
| Қазатомөнеркәсіп | 1264,12 тг | ↑ (2023: 1213,19 тг) |
| ҚазМұнайГаз | 491,71 тг | = (2023: 491,71 тг) |
| Halyk Bank | 29,64 тг | ↑ (2023: 9,57 тг) |
| KEGOC | 81 тг (жарты жыл) | ≈ (2023: 82,4 тг) |
| ҚазТрансОйл | 86 тг | ↑ (2023: 65 тг) |
| Air Astana | 53,7 тг | Жаңадан төлейді |
Ал Kaspi, Kcell және БЦК осы жылға дивиденд төлемейді. Сарапшы Данияр Оразбаев биыл жазда назар аударуға тұрарлық компанияларды атаған.
