БҰҰ Қазақстандағы экожобалар үшін 280 млн доллар бөледі

БҰҰ-ның Жасыл климат қоры Қазақстандағы экожобалар үшін 280 млн доллар бөледі. Бұл туралы Экология және табиғи ресурстар министрі Ерлан Нысанбаев мәлімдеді.

«Халықаралық ұйымдардың қолдауымен Қазақстанға БҰҰ-ның Жасыл климаттық қорынан шамамен 280 миллион доллар алу көзделіп отыр. Бұл қаражат жаңартылатын энергия көздерін дамытуға, өнеркәсіп секторында төмен көміртекті технологияларды енгізуді ынталандыруға, сондай-ақ электромобильдерді дамытуға қолдау көрсетуге бағытталады», – деп атап өтті Нысанбаев.

Министрдің айтуынша, 2024 жылы жасыл жобаларды жетілдіру үшін БҰҰ-ның Жасыл климат қорына деп арнайы мемлекеттік бағдарлама дайындалған. Оған энергетикалық сектордағы парник газдың шығарылуын азайту, елдімекендердегі сумен қамтамасыз етудің орталықтанған жүйесінің тұрақтылығын арттыру, ауыл шаруашылығы фермаларын жаңалау, жасыл қаржыландыру облысындағы жасыл сектор бастамаларына қолдау білдіру сияқты жеті жоба қосылған.

Бұл жобалардың жалпы бюджеті 1 млрд доллардан асады, оның 630 млн долларын БҰҰ тарапынан қаржыландыруы керек.

Осыған дейін Қазақстан үкіметі Жапониямен де келіссөздер жүргізгенін жазған едік. Токио билігі елдегі су тасқынымен күрес үшін 2 млн доллар көлемінде грант бөлетін болды.