Испания – Франция: Ұлттар лигасының жартылай финалын қайдан көруге болады

5 маусымнан 6 маусымға қараған түні, Германияның Штутгарт қаласында УЕФА Ұлттар лигасының жартылай финалдық кездесуі өтеді. Бұл ойында Испания мен Франция құрамалары финал жолдамасына таласады.

Матчтың басталу уақыты мен трансляциясы

Қос алыптың текетіресін қазақстандық көрермендер 23:50-де «Qazsport» телеарнасынан тікелей эфирде тамашалай алады.

Испания құрамасы ширек финалда Нидерландымен өте тартысты екі матч өткізді. Алғашқы ойын 2:2 есебімен тең аяқталды. Қайта ойында негізгі уақыт тағы да 2:2 болды. Қосымша уақытта екі команда бір-бір голдан соғып, есеп 3:3-ке жетті. Нәтижесінде пенальти сериясында испандықтар 5:4 есебімен басым түсті.

Францияның да жолы оңай болған жоқ. Олар ширек финалда Хорватиямен кездесті. Алғашқы ойында хорваттар күтпеген жерден 2:0 есебімен жеңіске жетті. Бірақ жауапты кездесуде Франция дәл сондай есеппен жауап қайтарды — 2:0. Пенальти сериясында француздар да 5:4 есебімен жеңіске жетіп, жартылай финалға жолдама алды.

Финалдағы қарсылас — Португалия

Бұл жұптың жеңімпазы Ұлттар лигасының финалында Португалия құрамасымен кездеседі. Айта кетейік, португалдар кеше Германияны жеңіп, финалға бірінші болып жолдама алған еді.