Тина Канделаки Қазақстанға тағы да шүйлікті. Бұл жолы оған Қазақстан мен Ұлыбританияның арасындағы әскери ынтымақтастық ұнамай қалыпты.
Ресейлік БАҚ-тың ақпаратына қарағанда, ол өзінің Қазақстанның жауына айналғанын жасырмаған.
«Ресейдің дұшпандары тізімінде алғашқы тұрған елмен әскери ынтымақтастық жасау – теміржол стансаларының атын өзгерту емес. Маңыздырақ нәрсе», – деп жазды ресейлік үгіт-насихатшылардың бірі Тина Канделаки.
Оның сөзіне қарағанда, бұл жаңалық «қазақстандық министрліктің сайтынан жоғалып кеткен» көрінеді.
Бір қызығы, үгіт-насихатшы Еуроодақ құрамындағы Венгрия мен Словакияның Ресеймен әскери ынтымақтастық туралы келісімінен ешқандай сөкеттік көрмейді. Ал өзі Қазақстанның Ұлыбританиямен әскери ынтымақтастығына көз алартып отыр.
Тіпті, Украинаны меңзеп, қоқан-лоқы жасаудан тайынбаған.
«Жамандықта жолыққандардың бәрі осындай іс бастаған. Қазақстанда тарихты оқымайтын сияқты. Тек ойдан шығарғаны болмаса», – деп қатуланған Тика Канделаки.
Мұның алдында Қазақстанның сыртқы істер министрлігі теміржолға қатысты мәлімдемесіне кейін, оның Қазақстанға келуіне тыйым салған болатын.
Мұның алдында Тина Канделаки Қырғызстанды да «русофобия» үшін айыптаған еді.
