Әлем чемпионатына қатысатын өзбек футболшылары 40 автокөлік алды
Өзбекстан құрамасының футболшылары мен бапкерлеріне автокөлік сыйға тартылды. Олар Азиядағы іріктеу турын сәтті аяқтап, 2026 жылы өтетін Әлем чемпионатына жолдама алды.
BYD қытай компаниясы шығарған 40 автокөлік кілті Ташкентте сейсенбідегі матчтан кейін тарту етілді. Жергілікті футболшылар Катар құрамасын 3:0 есебімен жеңді.
Бұл ойын Өзбекстанның турнир кестесіндегі орнына әсер еткен жоқ. Себебі өзбек футболшылары жолдаманы бір тур бұрын алып қойған. Осылайша, Өзбекстан футбол құрамасы тарихта алғаш рет әлем біріншілігінде өнер көрсетеді.
Өзбекстан президенті Шавкат Мирзияев құрама ойыншылары мен бапкерлеріне орден мен медаль тақты.
Өзбек футболшылары іріктеу турындағы топта екінші орын алды. Бірінші орындағы Иран құрамасы да әлем чемпионатына барады. БАӘ мен Катар жолдама үш жарысты жалғастырады. Олар іріктеудің келесі кезеңінде ойнайды.
2026 жылы 11 маусымда басталып, 19 шілдеде аяқталатын әлем чемпионаты қатарынан үш елде өтеді. Біріншілік матчтары АҚШ, Канада және Мексика стадиондарында өтеді. Бұл жолы чемпионатқа алты конфедерациядан 48 ұлттық команда қатысады.
