Алматыда өрт сөндіру көлігі аударылып қалды
12 маусымға қараған түні Алматы көшелерінің бірінде өрт шыққан жерге асығып бара жатқан өрт сөндіру көлігі аудырылып кетті. Бұл туралы жергілікті пабликтер хабарлады.
Алдын ала мәлімет бойынша оқиға түнгі сағат 12-лер шамасында Сейфуллин көшесінің бойында болған.
Мәмеленің мән-жайын қалалық Төтенше жағдайлар департаменті түсіндірген.
Құтқарушыларға 12 маусым күні түнгі 12:00-де Түрксіб ауданында қызғылт разрядты өрт тіркеліп, Международное көшесінде екі үйдің қатар өртеніп жатқаны туралы хабарланған. От шарпыған аудан 500 шаршы метрден асқан.
«Өрт сөндіруге бара жатқан көліктердің бірі қырына қарай аударылып кеткен», – делінген ТЖД хабарламасында.
Апат кезінде ешкім зардап шекпеген. Техниканың да қалпына келтірілгені, құтқарушылардың өрт сөндіру жұмыстарын жалғастырғаны айтылады.
Үлкен аумақты шарпыған өртті сөндіруге 15 бірлік техника, 50-ден астам жеке құрам жұмылдырылған.
Өрт сағат 00:55-те оқшауланған. Өкінішке қарай, өрт оқшауланған соң, құтқарушылар үйден бір кісінің мәйітін тапқан. Қазіргі таңда бұл адамның неден қайтыс болғаны анықталып жатыр.
Қалалық төтенше жағдайлар департаменті өрттің түнгі 2:23-те толық сөндірілгенін хабарлады. От 586 шаршы метрге жеткен. Үйлердің жапсарлас орналасуы, өрттің екі үйде бірдей таралуына себеп болған.
Еске сала кетсек, 7 маусым күні Алматының Медеу ауданында салынып жатқан зәулім үй өртенген болатын.
