TikTok арқылы онлайн-құмар ойын

Құмар ойын ұйымдастырушылар ақшаны банктік қосымшалар арқылы шотына аударып отырған / фото: / коллаж: kursiv.media, бильд-редактор Ахтам Зиперов

TikTok арқылы тікелей эфирде құмар ойын ұйымдастырған алматылық екі тұрғын сотталды. Олар 10,5 млн теңге заңсыз табыс тапқан.

Бұл туралы Қаржы мониторинг агенттігі хабарлады.

Тергеу аяқталды

Қаржылық мониторинг агенттігінің Алматы қаласы бойынша департаменті TikTok арқылы онлайн-құмар ойындарды ұйымдастырған екі тұрғынға қатысты сотқа дейінгі тергеп-тексеру ісін аяқтады.

Тікелей эфирде құмар ойын өткізілген

Тергеу барысында күдіктілердің тұрақты түрде TikTok-та құмар ойын ұйымдастырғаны анықталған. Ойынға қатысу үшін көрермендер ақшаны банктік қосымшалар арқылы ұйымдастырушылар шотына аударып отырған.

Заңсыз табыс — 10,5 миллион теңге

Осы әрекеттер нәтижесінде 10,5 миллион теңге көлемінде заңсыз табыс жиналған.

Сот үкімі шықты

Сот үкімімен екеуі де кінәлі деп танылды. Біріне 1 жыл 6 ай бас бостандығынан айыру жазасы тағайындалса, екіншісі 2 жыл 6 айға бостандығын шектеу жазасына кесілді.

Жастар — негізгі аудитория

TikTok-тағы бұл ойындардың негізгі аудиториясы — жастар. Бұл интернет кеңістігіндегі жастардың құмар ойындарға оңай тартылуы, тәуелділік пен қаржылық қиындықтарға әкеп соғуы мүмкін қауіпті үрдіс екені атап өтілді.

Агенттік мұның алдында TikTok арқылы құмар ойын – карта, сүйек лақтыру және онлайн рулетка ойындары көбейгенін ескерткен.