Алматы әкімі жұмыс кестесін бұзған мердігерлерді жауапқа тартпақ

Алматы әкімі Дархан Сатыбалды Алматы әкімі жұмыс кестесін бұзған мердігерлерді жауапқа тартпақ. Бұл туралы әкім Түрксіб ауданындағы әлеуметтік және коммуналдық инфрақұрылым нысандарын аралау барысында айтқан.

Әкім ауданның бірқатар маңызды нысандарын аралап, «Нұршашқан» шағын ауданындағы ауызсу, кәріз және электр желілері бойынша инфрақұрылымдық жобалармен танысқан.

Тұрғындар әкімге жарықтың жиі сөніп, судың тұрақсыз берілетінін айтқан. Дархан Сатыбалды сумен жабдықтау бойынша жобадағы кемшіліктерге байланысты қазіргі мердігермен жұмысты аяқтауды тапсырып, мерзімді бұзса басқа ұйымды тартуды тапсырған.

Бұдан бөлек әкім «Әлмерек» және «Маяк» шағын аудандарының су, кәріз желілерін тарту және электр желілерін жаңарту жобаларымен танысқан. Сондай-ақ Қонаев «Нұрлы жер» бағдарламасымен салынып жатқан 260 орындық балабақша мен тұрғын үйлердің құрылыс барысын тексеріп, нысандардың инженерлік желілерге қосылуы мен абаттандырылуына ерекше мән беруді тапсырған.

«Нысандар сапалы әрі мерзімінде аяқталуы тиіс. Жұмыс кестесін бұзатын мердігерлер жауапқа тартылады», – деп мәлімдеген әкім.