Актер Шәріп Серіктің сотталған Қуандық Бишімбаевпен бірге отырғаны бейнеленген сәті көрсетілген сатиралық видео тараған еді. Содан кейін Серік AI-видеоны жасаған авторға қарсы арыз жазған.
Полиция контентмейкер Арман Тұрлыбековтің жұмысын тексерді. Ол «Бишімбаев түрмеде Шәріп Серікті жұбатып отыр» деген видео жасаған. Бұл видео Шәріп Серіктің бұрынғы сүйіктісі актердің қол көтергенін мәлімдегеннен кейін жарияланған. Видеодағы жазбада Тұрлыбеков: «Зорлық-зомбылыққа жол жоқ» деп жазған.
2024 жылдың 28 сәуірінде Шәріп Серік Тұрлыбековке қарсы полицияға арыз жазды. Серіктің айтуынша, жасанды интеллект көмегімен жасалған видео оның намысына тиген. Актер өзін Бишімбаевпен салыстыруды мүлде орынсыз деп есептейтінін айтып, «мен екінші Бишімбаев бола алмаймын, өйткені бұл – оның өмірі, оның тағдыры және оның қателігі» деп атап өтті.
«За нами выехали» Telegram-арнасының хабарлауынша, полиция бұл видеодан жеке өмірге қол сұғу, жеке деректерді жариялау немесе басқа да құқық бұзушылық белгілерін таппаған.
Сол себепті, Шәріп Серіктің арызы «қылмыс құрамы болмағандықтан» қараусыз қалдырылған.
