Биньямин Нетаньяху Аятолла Хаменейді өлтірілсе ғана, қақтығыстың тоқтайтынын айтты. Ол Иран көшбасшысын Гитлерге теңеді.
Le Figaro ақпаратына қарағанда, Израиль премьер-министрі Биньямин Нетаньяхудың пікірінше, Әли Хаменей — «заманауи Гитлер».
АҚШ телеарнасында аятолланы өлтіру жоспарын айтқан
«Ол ешқашан тоқтамайды. Бірақ біз оның қорқынышты жоспарларын жүзеге асыруына мүмкіндік бермейміз», — деді ол.
«Израиль мен Иран арасындағы қақтығысты тоқтатудың жолы – аятолла Әли Хаменейді өлтіру» деп мәлімдеді Израиль премьер-министрі дүйсенбі күні америкалық ABC телеарнасына берген сұхбатында.
Дональд Трамптың қарсылығын да елемеген
Израиль басшысынан Иранның рухани көсемін жою жоспарына Дональд Трамптың қарсы шығуына қатысты сұрақ қойылғанда, ол:
«Бұл қақтығысты ушықтырмайды, керісінше, қақтығысты тоқтатады», — деп жауап берді.
«Керек нәрсені істеп жатырмыз»
Израиль шынымен Хаменейге қарсы әрекет жасай ма деген сұраққа Биньямин Нетаньяху: «Біз өзіміз істеуіміз керек нәрсені істеп жатырмыз», — деді.
Дүйсенбі күні Израиль мен Иран төртінші күн қатарынан жалғасып жатқан әскери эскалация аясында бір-біріне жаңа әуе шабуылдарын жасады. Қақтығыс Израильдің Иранның стратегиялық нысандарына бағытталған шабуылынан кейін өршіген болатын.
Cондай-ақ, Трамп ирандықтарға Тегераннан тез арада кетуге кеңес берді.
