2025 жылдың маусымына қарай Қазақстандағы жылдық инфляция 11,3% болды. Бұл – Еуразиялық экономикалық одақ (ЕАЭО) елдерінің ішіндегі ең жоғары көрсеткіш.
Ал ЕАЭО елдерінің орташа инфляциясы керісінше, 9,7%-ға дейін төмендеген. Бұл көбінесе Ресейдегі баға өсімінің баяулауымен байланысты. Ол жақта инфляция 10,2%-дан 9,9%-ға түсті.
Басқа елдерде жағдай қалай?
- Қырғызстанда инфляция – 8%
- Беларусьте – 7,1%
- Арменияда – 4,3%
Қазақстанда не қымбат
Елімізде ең қатты қымбаттаған – ақылы қызметтер. Бір жылда олардың бағасы 16%-ға өсіп кеткен. Мысалы, коммуналдық төлемдер, балабақша мен білім беру, денсаулық сақтау қызметі қымбаттаған.
Азық-түлік бағасы 9,6% өссе, киім-кешек, тұрмыстық тауарлар 9%-ға қымбаттады
Баға өсімі, ең алдымен, қарапайым халықтың қалтасына әсер ететіні анық. Жалақы көбеймегенімен, күнделікті шығын көбейіп барады. Соңғы бір жылда қазақстандықтардың орташа шығыны 10%–нан аса өскен, әсіресе, тамақ пен қызмет түрлеріне көп ақша кетіп жатыр.
