Ресейде әзілкеш Ньургун Атаковқа қатысты әкімшілік іс қозғалғаны туралы ақпарат тарады. Оның қазір Қазақстанда тұратыны ретінде белгілі. Оған қатысты Ресейдің әкімшілік құқық бұзушылық туралы кодексінің 20.3.1-бабына сәйкес ұлтаралық араздықты қоздыру және адам қадір-қасиетін қорлау фактісі бойынша іс қозғалған. Бұл туралы Якутия.инфо хабарлады.
Редакция таратқан ақпаратқа сәйкес, іс маусымда екі рет Якутск қалалық сотына түскен, алайда сот процестік құқық бұзушылықтар бар екенін көрсетіп, полицияға екі рет қайтарған.
Атаков сахнада орыс тілі мен орыс халқына, басқа да ұлттарға қатысты дөрекі сөйлеген.
Алайда әзілкеш бұл жағдайға қатысты пікір білдірмеді.
Айта кетейік, Атаков үш жыл бұрын Алматыға көшіп келген. Мұнда стендап-артист ретінде шығармашылық жолын жалғастырып келеді. Оның «Тюркский разговорник» деген авторлық шоуы бар. Ол жерде ұлттық болмыс, тарих және мәдени айырмашылықтар тақырыбын жиі қозғайды.
