Мансуржон Расулев: Өзбекстан инвесторларға бірегей мүмкіндік ұсынады
Өзбекстан инвесторларға бірегей мүмкіндік ұсынады Бұл туралы инвестиция тарту жөніндегі агенттіктің басшысы Мансуржон Расулаев Kursiv Uzbekistan ұйымдастырған «Капитал нарығы: инвестициялаудың жаңа мүмкіндіктері» конференциясында мәлімдеді.
Оның айтуынша, геосаяси тұрақсыздық аясында инвесторлар портфельдерін әртараптандыру үшін жаңа бағыттар іздеп жатыр. Олар тұрақтылық пен тартымды жағдайлар ұсынатын елдерді таңдайды. Алайда, дәстүрлі макроэкономикалық көрсеткіштерді талдау Өзбекстанның басты артықшылығын бірден көрсете алмайды.
«Біздің басты ерекшелігіміз – Өзбекстан экономикасын ашу үдерісін жақында ғана бастады. Біз әлі де Дүниежүзілік сауда ұйымының мүшесі емеспіз, бұл инвесторлар үшін бірегей мүмкіндік терезесін ашады. Бүгінде жаһандық картада ұқсас мәртебесі мен келешегі бар елдер жоқ деуге болады», – деп атап өтті агенттік басшысы.
Ол сондай-ақ, Өзбекстанға ДСҰ-ға кірмей тұрып келетін инвесторлар жаһандық сауда жүйесіне толық кіріктірілгеннен кейін жойылатын бірқатар артықшылықты пайдалана алатынын айтты.
Инвесторлар үшін екінші маңызды дәлел ретінде ол Өзбекстанның жаһандық дағдарыстарға төтеп бере алатын қабілетін атады.
«Біз пандемиядан кейінгі экономиканы аймақ елдерінен жылдамырақ қалпына келтіре алдық. Бұл 2017 жылы басталған реформалардың нәтижесі. Олар дәл сын сағатта өз нәтижесін берді», – деді Расулаев.
Ол реформалар валюта реттеуін, шетелдік инвестициялар үшін негізгі салалардың ашылуын, мемлекеттік секторды қайта құруды және іскерлік ахуалды жақсартуды қамтығанын еске салды.
«Көпшілігі бұл бағытты сақтап қала аламыз ба деп күмәнданған еді. Алайда біз осы жолмен жүріп келеміз. Міне, тоғыз жылға жуық уақыт өтті. Қазір инвесторлар Өзбекстан – жаһандық сын-қатерлерге тез бейімделе алатын тұрақты әрі болжамды нарық екенін көріп отыр», – деп түйіндеді Мансуржон Расулаев.
Конференция бағдарламасы төрт тақырыптық сессияны қамтиды:
- «Қор нарығына қалай шығуға және инвестор тартуға болады»
- «Өзбекстанда инвестордың назары қайда ауып жатыр»
- «Өзбекстанның облигациялар нарығы: инвестициялаудың жаңа құралдары»
- «Ақша қайда жұмыс істейді»
Конференция спикерлері қатарында:
- Ботир Қобилов, профессор, Даллас қаласындағы Техас университеті (АҚШ)
- Вячеслав Пак, Өзбекстан Республикасының Ұлттық перспективалық жобалар агенттігі директорының бірінші орынбасары
- Георгий Паресишвили, «Тошкент» РҚБ басқарма төрағасы
- Игорь Акулов, құрылымдық өнімдер жөніндегі басқарушы директор, Barclays Bank UK
- Даурен Сапарғалиев, «Фридом Брокер Өзбекстан» атқарушы директоры
- Отар Шарикадзе, TBC Bank аға кеңесшісі, TBC Asset Management бас директоры бар.
Конференция ТВС Bank, Payme, Ұлттық инвестициялық институттар қауымдастығы және Universal банкінің қолдауымен өтіп жатыр.
Конференцияның панельдің сессияларын мына жерден көруге болады.
