Қазақстандық көрермендер арасында өткен аптада голливудтық блокбастерлерге сұраныс артты. Алайда ел аузында жүрген Брэд Питт ойнаған Formula 1 туралы спорттық драма екінші орынға жайғасты. Көш басында — динозаврлармен оралған әйгілі «Юра дәуірінің әлемі» франшизасының жаңа бөлімі.
1. «Юра дәуірі: Қайта өрлеу» — 316 млн теңге (1 апта)
Динозаврлар экранды қайта жаулап алды. Танымал франшизаның жалғасы — «Юра дәуірі: Қайта өрлеу» еліміздегі прокатта ең көп касса жинап, бір апта ішінде 316 636 112 теңге тапты.
2. F1 — 251 млн теңге (2 апта)
Танымал голливудтық актер Брэд Питт ойнайтын F1 фильмі екінші аптада 251 076 803 теңге жинап, екінші орында тұр. Спорттық драмада Питт — «Формула-1»-дің ардагері, жас пилотты чемпионатқа дайындайды.
Variety басылымының мәліметінше, F1 — Apple үшін ең табысты фильм атанды. Әлемдік прокатта 10 күн ішінде 293 млн доллар жинаған.
3. Айдаһар мінген шабандоздар — 52,8 млн теңге (5 апта)
Үшінші орында — анимациялық классикаға айналған «Айдаһар мінген шабандоздар». 5 аптадан бері экраннан түспеген туынды бұл жолы 52 860 860 теңге жинап отыр. Отбасылық форматтағы фильм әлі де сұранысқа ие екендігін дәлелдеді.
Freedom Ticketon мәліметінше соңғы аптада ең көп касса жинаған фильмдер:
| Орын | Фильм атауы | Жинаған табыс | Апта саны |
|---|---|---|---|
| 1 | Юра дәуірі: Қайта өрлеу | 316 636 112 ₸ | 1 апта |
| 2 | F1 | 251 076 803 ₸ | 2 апта |
| 3 | Айдаһарды қалай үйретуге болады | 52 860 860 ₸ | 5 апта |
| 4 | 102 | 39 297 310 ₸ | 1 апта |
| 5 | Элио | 33 266 545 ₸ | 3 апта |
| 6 | Биік сезім | 31 565 430 ₸ | 3 апта |
| 7 | Қара дуба | 26 435 240 ₸ | 2 апта |
| 8 | Тоқты мен Серке | 21 986 874 ₸ | 1 апта |
| 9 | 28 жыл өткен соң | 15 476 500 ₸ | 3 апта |
Айта кетейік, алдыңғы апталарда «Айдаһар мінген шабандоздар көш бастап тұрған еді.
