АҚШ президенті Дональд Трамп БРИКС саясатын қолдайтын елдерге қосымша 10%-дық тариф салатынын мәлімдеді. Бұл туралы ол Truth Social атты желідегі парақшасында жазды.
«БРИКС-тің антиамерикалық саясатына қосылатын кез келген елге қосымша 10%-дық тариф енгізіледі. Ешкімге жеңілдік болмайды», – деп жазды ол.
Бұған дейін БРИКС елдері АҚШ-тың тарифтік шараларына қарсы шығып, ол әлемдік сауданың дамуына кедергі болады деп мәлімдеді.
Айта кету керек, 7 шілдеде өткен БРИКС саммитіне Қазақстан алғаш рет серіктес ел ретінде қатысты. Күні кеше Трамп Қазақстан тауарларына салынатын импорттық салықты 25%-ға көтерген еді. Егер оның БРИКС-ке қатысты саясатын күшіне енсе, қазақстандық тауарлардың баж салығы 35%-ға дейін көтерілуі мүмкін.
БРИКС (BRICS – Brazil, Russia, India, China, South Africa) 2006 жылы құрылған, әлем аумағының 35%-ын, халық санының 50%-ын және жаһандық ЖІӨ-нің 40%-ын қамтиды.
БРИКС-ке 11 мүше ел: Бразилия, Ресей, Үндістан, Қытай, Оңтүстік Африка, Эфиопия, Индонезия, БАӘ, Сауд Арабиясы, Мысыр және Иран.
