Тауға кетіп оралмаған 18 жастағы жігіттің мәйіті табылды

Алматыда 18 жастағы Нұрислам Ақылбековтің мәйіті табылды. Ол 2 шілдеде тауға кетіп, содан бері хабар-ошарсыз болған.

Алматы полициясының хабарлауынша, жігіттің денесінде зорлық-зомбылық белгілері жоқ.

Өлімнің нақты себебін анықтау үшін сот-медициналық сараптама тағайындалды.

Айта кетейік, бұған дейін Алматыда тауға кеткен Нұрислам Ақылбеков бір аптадан бері табылмай жатқаны хабарланды.