Қазақстанның халық әртісі Димаш Құдайберген Қырғызстанда өтетін халықаралық «Мейкин Азия» фестивалінде ән шырқайды. Аталған шара 20–22 шілде күндері Ыстықкөл жағалауындағы Чолпон-Ата қаласында өтеді.
Ұйымдастырушылардың айтуынша, 22 шілде күні Димаштың өнер көрсетуі музыкалық кештің шарықтау шегі болмақ.
Димаш Құдайберген бұл ауқымды музыкалық фестивальдің жарқын кульминациясы болады! – деп хабарлады ұйымдастырушылар.
Фестивальге әлемнің 25-тен астам елінен әртістер қатысады. Олардың қатарында Ay yola, JAX, Баястан және басқа да белгілі орындаушылар бар.
«Мейкин Азия» – Орталық Азия кеңістігінде ұйымдастырылатын ең ауқымды музыкалық жобалардың бірі. Фестиваль түрлі ұлт өкілдерінің мәдениеттерін біріктіріп, тыңдарманға әсем әсер сыйлауды мақсат етеді.
Сондай-ақ, күз айларында Димаштың Еуропа елдерінде және Нью-Йорк қаласында жеке концерті өтеді.
