Елена Рыбакина Вашингтондағы WTA-500 турнирін жеңіспен бастады

Қазақстанның бірінші ракеткасы Елена Рыбакина (WTA рейтингінде 12-орын) АҚШ астанасы Вашингтонда өтіп жатқан WTA-500 санатындағы Mubadala Citi DC Open турнирінде жарысты сәтті бастады.

1/8 финалда канадалық жас теннисші Виктория Мбокоға (88-орын) қарсы ойнап, екі сетте жеңіске жетті — 6:3, 7:5.

Рыбакинамен болған матчта Мбоко осал қарсылас емес екенін көрсетті. Бірінші сетте Елена екінші геймде брейк жасаса да, бесінші геймде канадалық теннисші қарымта қайтара алды — есеп 3:3. Алайда шешуші сәтте тәжірибелі қазақстандық теннисші қайтадан брейк жасап, кейін сетті өз пайдасына жапты — 6:3.

Екінші сет те тартысты өтті. Екі ойыншы бір-бірінің геймдерін ала білді. Бірақ Рыбакина шешуші брейк жасап, екінші матчболда жеңіске жетті. Ойын ұзақтығы — 1 сағат 25 минут.

Келесі кезеңде Рыбакина Винус Уильямс (АҚШ) пен Магдалена Фрех (Польша, 24) арасындағы жеңімпазбен кездеседі. Егер Уильямс жеңіске жетсе, Рыбакина арасындағы жекпе-жек үлкен қызығушылық тудырары анық. Айта кетейік, 45 жастағы Винус — WTA турнирлерінде жеке сында матч жеңіп алған ең жасы үлкен теннисшілердің бірі.

Еске сала кетейік, бұған дейін әйелдер арасындағы теннистен әлем чемпионатына Қазақстан атынан кімдер баратыны белгілі болған еді.