Алматы әкімдігі Жібек жолы базарын жапқалы жатыр
Алматы әкімдігі ірі «Жібек жолы» автобазарын жапқалы жатыр. Қалалық билік аумақта орналасқан контейнерлер мен нысандарды заңсыз деп таныған. Автобөлшек сатушылар мен автосервис иелері өздерін қуып шығуға тырысып жатқандарын наразы. Кейбір кәсіпкерлер тіпті өздерін өртейміз деп қорқытқан, деп хабарлады КТК телеарнасы.
Аудандық қала құрылысы бақылау бөлімінің басшысы Әлібек Түлбасиевтің айтуынша, автобазар иелерінің құрылысқа рұқсат беретін құжаты жоқ.
Әкімдіктің ұстанымына қарамастан, кейбір саудагерлер сауда орындарын толықтай сатып алғанын және кетуге ниетті емес екенін айтады. Кәсіпкерлер өзіне қол жұмсау туралы айта бастағанда, оқиға орнына полиция мен өрт сөндірушілер жеткен.
«Мен алты несие алдым! Үйімді кепілге қойдым. Төрт ай бұрын 3,5 миллион теңге беріп, бұл орынды сатып алдым. Жалға алу ақысын уақтылы төлеп жүрмін. Біз бұл жерден оңайлықпен кетпейміз. Бізге жаңа сауда орындарын тауып берсін. Адамдардың жүйкесі жұқарған. Қолымызда бензин толы кәністр бар. Біз өзімізді өртейміз», – деген бутик иесі Марал Жақсылыққызы.
Кәсіпкерлердің айтуынша, олар бизнестерін дамыту үшін несиеге кіріп кеткен, енді кіріссіз қалу қаупі туып отыр. Бұған дейін автобазар жабылатыны туралы ешкім ескерту жасамаған. Ал әкімдік балама орын ұсынбаған.
Базардың жаңа директоры базар әкімшілігі өзі тағайындалғанға дейін сотта ұтылып қалғаны айтқан.
«Біз оны қайта қаратып, барлығын заңдастыруға тырысамыз. Қазір сөйлесіп жатырмыз, базарды модернизацияламақшымыз. Осыған байланысты жаңа буындағы жөндеу орындары мен сервистерді салып, бәрін ретке келтіргіміз келеді», – деген автобазардың қазіргі басшысы Азамат Құлмаханбет.
Базар жабылса, саудагерлер қайда баратыны белгісіз. Ал әкімдік 11 тамызға дейін саудагерлер аумақтан кетуге міндетті екенін айтып кеткен.
ЕGov.kz порталындағы ақпаратқа сәйкес, «Жібек жолы» базары «Еуразиялық Өндірістік Компания» ЖШС-не тиесілі. Бұл компанияға Патох Шодиев, Мукадасхан Ибрагимова және қайтыс болғанға дейін Александр Машкевич (2025 жылғы 22 наурызда қайтыс болған) иелік еткен.
Бұған дейін, Алматы әкімдігі рұқсат құжаттарынсыз тұрғызылғанына байланысты «Арыстан» базарының бір бөлігін сүрген болатын.
